एकै घरका दुई भाइ मृत अवस्थामा

डोल्पा- त्रिपुराकोट भदौ ४ गतेदेखि हराइरहेका दुई बालकको शव आज बिहान ठूलो भेरीको किनारमा रहेका सु गाविसस्थित सु खोलामा फेला परेको छ।मृत्यु हुनेमा त्रिपुराकोट गाविस–८ डाँडागाउँको लस्मी प्राथमिक विद्यालयमा कक्षा ३ मा पढ्दै गरेका १० वर्षीया अशोक बुढा र सोही स्कुलमा कक्षा २ मा पढ्दै गरेका आठ वर्षीय अर्जुन बुढा रहेका छन्।
विद्यालयका शिक्षकहरुले स्कुलमा हराएको छाप चोरेको भन्दै प्रहरीको डर देखाएपछि उनीहरु भागेकाले यस्तो अवस्था भएको उनीहरुका आफन्तले जनाएका छन्। प्रधानाध्यापक नन्दवीर रोकायले सो कुरा स्वीकार गरेनन्।उनीहरुको शव परीक्षणका लागि जिल्ला अस्पताल डोल्पामा लगिएको इलाका प्रहरी कार्यालयका प्रहरी निरीक्षक रोमहर्ष सिलवालले बताए।

Don't Forget To Join US Our Community