फिसटेलको हेलिकोप्टर दुर्घटना, एकको मृत्यु, पाँच घाइते

हेलिकोप्टर चालक इटालियन नागरिक डाभिडा र एयरलाइन्सका कर्मचारी दिलक श्रेष्ठ घाइते भएका प्रहरीले जनाएको छ।  हेलिकोप्टरमा यात्रारत गोमा एयरका क्याप्टेनहरु यदि शेर्पा र प्रज्वल भट्टराई तथा कर्मचारी गोविन्द लामा घाइते छन्। घाइतेमध्ये दुई जना सकुशल छन्। ३ जनाको हुम्लामै उपचार भइरहेको फिसटेलका प्रमुख कार्यकारी अधिकृत सुमन पाण्डेले जानकारी दिए। उनीहरुलाई घटनापछि नेपालगन्जदेखि गएको फिस्टेल एयरको नाइन एन एजेआई हेलिकोप्टरले उद्धार गरी हुम्ला सदरमुकाम सिमिकोट पुर्‍याएको हो।

दुर्घटनामा परेको हेलिकोप्टरको दर्ता इटालीमा छ। यसको कलसाइन आइभी–आइईडब्लू हो। फिसटेलले एक वर्षका लागि 'वेट लिज'मा तीन महिना अघि हेलिकोप्टर ल्याएको थियो। जहाज, चालक दल, मर्मत र बिमा सबै मालिक कम्पनी रहने गरी जहाज भाडामा ल्याउनुलाई वेट लिज भनिन्छ।

तिब्बत मानसरोवर दर्शन गरेर फर्केका यात्रुलाई हिल्साबाट सिमिकोट ल्याउन उक्त हेलिकोप्टर त्यसतर्फ गएको थियो।


'आकस्मिक अवरतण हो वा के कारण दुर्घटना भएको हो अझै पुष्टि भएको छैन,' प्रमुख कार्यकारी पाण्डेले भने, 'हामी अनुसन्धान गरिरहेका छौं।'