१९ मंसिर, काठमाडौं । सशस्त्र प्रहरीको एपीएफ क्लबका यामसाजन सुनारले पुरुष २ सय मिटर दौडमा तिलकराम थारुको कीर्तिमानसँग बराबर गरेका छन् ।
१२ औं सागका लागि खेलाडी छनोट गर्न आयोजित प्रतियोगिताको सुनारले निर्धारित दूरी २१.५ सेकेन्डमा पूरा गरे । यससँगै उनले यामसाजनले २०१३ को फब्रुअरीमा काठमाडौंमा भएको गोल्डेन स्पि्रन्ट मिटमा तिलकरामले बनाएको कीर्तिमान बराबर गरेका छन् ।
आर्मीका हिमाल केसी दोश्रो र आनन्ददेव चौधरी तेश्रो भए । महिलातर्फ नेपाल प्रहरीकी मानमति विष्ट पहिलो भइन् । मानमतिले २५.९ सेकेन्ड समय खर्चिन् । एपीएफकी दिलमाया कार्की दोश्रो र आर्मीकी कृष्णा चौधरी तेश्रो बने ।
पुरुषको १ हजार ५ समय मिटर दौडमा आर्मीका चन्द्रबहादुर दाहालले निर्धारित दूरी ४ मिनेटमा सकाउदै शीर्ष स्थान कब्जा गरे । प्रहरीका करण खड्का दोश्रो र लक्ष्मण थापा तेश्रो स्थानमा रहे । उक्त स्पर्धाको महिलामा आर्मीकी सरस्वती भट्टराई ४ मिनेट ४४.९ सेकेन्ड समयसाथ पहिलो भइन् । आर्मीकी सानुमाया कार्की दोश्रो र काठमाडौंकी सन्तोषी श्रेष्ठ तेश्रो भए ।
पुरुष डिस्कस थ्रोमा आर्मीका राजेन्द्र बस्नेत पहिलो भए । उनले ३३.४५ मिटर टाढा फाले । प्रहरीका पुस्कल खड्का दोश्रो तथा आर्मीका कृष्णबहादुर बस्नेत तेश्रो भए । त्यस स्पर्धाको महिलामा आर्मीकी अमृता चौधरी पहिलो भइन् । अमृताले ३६.४७ मिटरको प्रदर्शन गरिन् । प्रहरीका हिरण चौधरी दोश्रो र जितकुमारी महतो तेश्रो भए ।
पुरुष टि्रपलजम्पमा प्रहरीका चन्द्रदेव जोशी शीर्ष स्थानमा रहे । उनले १४.०१ मिटर हामफाले । लङजम्पमा अघिल्लो दिन शुक्रबार कीर्तिमान बनाउँदै चर्चामा आएका धनुषाका पुष्पेन्द्रकुमार गोइत (१३.६० मिटर) ले दोश्रो स्थानमा चित्त बुझाए भने आर्मीका भविन्द्र गिरी तेश्रो भए ।
महिलामा कीर्तिमानधारी प्रहरीकी केशरी चौधरी पहिलो भइन् । केशरीले १२.१९ मिटर छलाङ्ग लगाइन् । एपीएफकी शिला चौधरी दोश्रो र आर्मीकी वषर्ा भट्टराई तेश्रो भए ।
पुरुष १० हजार मिटर दौडमा आर्मीका हरिकुमार रिमाल पहिलो भए । निर्धारित दूरी तय गर्न हरिलाई ३१ मिनेट ३९.९ सेकेन्ड समय लाग्यो । एपीएफका गोपीचन्द पार्की दोश्रो तथा आर्मीका लालबहादुर थापा तेश्रो भए । सोको महिलामा आर्मीकी विश्वरुपा बुढा पहिलो भइन् । विश्वरुपाले ३८.३६ सेकेन्ड समय खर्चिन् । आर्मीकै रेसु बस्नेत दोश्रो भइन् ।
पुरुष १ सय १० मिटर हर्डल्स (बाधा दौड) मा आर्मीका विशेष महतो पहिलो भए । उनले १६.२ सेकेन्डको समय निकाले । महिला १ सय मिटर हर्डल्समा एक्ली प्रतिस्पर्धी भएकाले एपीएफकी सविता चौधरी पहिलो भइन् । सविताले १७.५ सेकेन्ड समय लगाइन् ।
मुख्य प्रशिक्षक राणाले जनाए अनुसार सागका लागि समान ११-११ पुरुष/महिला गरी २२ खेलाडी छनोट गरिने छ । २/३ दिनपछि प्राविधिक समितिले छनोट भएका खेलाडीको नाम सार्वजनिक गर्ने राणाले जानकारी गराए ।
यामसाजनले तिलकरामको कीर्तिमानसँग बराबर गरे
loading...
Don't Forget To Join US Our Community
