नाकाबन्दी हटाउन बेलायतका प्राज्ञहरुको आग्रह

ब्रिटेन नेपाल एकेडेमिक काउन्सिलले नेपालको चुलिंदो राजनीतिक गतिरोध र नेपाल भारत सम्वन्धमा उत्पन्न संकटप्रति गम्भीर चिन्ता व्यक्त गरेको छ । विनाशकारी भूकम्पले १२ जिल्ला प्रभावित भइरहंदा नयां संविधान जारी लगत्तै सृजित पछिल्लो राजनीतिक संकटप्रति काउन्सिलले चिन्ता व्यक्त गरेको हो ।

काउन्सिलले सोमबार एक विज्ञप्ति जारी गर्दै भारत सरकारलाई हाल लगाइएको अघोषित नाकाबन्दी खुल्ला गरि अन्तर्राष्ट्रियकानुनको पालना गर्न आग्रह गरेको छ । इन्धन लगायत अत्यावश्यक मानवीय वस्तु आपूर्तिमा अवरोध नगर्न पनि काउन्सिलले अनुरोध गरेको छ । 

काउन्सिलले नेपाल सरकारसँग वार्ताका माध्यमबाट मधेशी जनताका माग सम्वोधन गर्न समेत आग्रह गरेको छ । साथै, बेलायत सरकारलाई जारी संकट समाधानका लागि पहल गरिदिन समेत काउन्सिलले आग्रह गरेको महासचिव डा. कृष्ण अधिकारीले जनाए । 

काउन्सिलमा युनिभर्सिटी अफ अक्सफोर्ड, लन्डन, एडिनवरा, लिड्स, लिभरपुल जोनमुर, वेष्ट अफ स्कटल्याण्ड र सेन्टर फर नेपाल स्टडिज यूकेका १४ जना प्राज्ञ एवं वुद्धिजिवी आवद्ध छन् ।

Don't Forget To Join US Our Community