ओली पक्षलाई नेपालको चुनौति, 'भिड्ने भए पनि तयार छु'

काठमाडौं,  एमाले नेता माधवकुमार नेपालले मन्त्रिपरिषदले गर्ने मनोनीत सभासद् सिफारिसमा असन्तुष्टि प्रकट गरेका छन् ।
न्याय प्रणालीमा सहमति जुटाउन सिंहदरवारमा सोमबार बसेको पदाधिकारी बैठकमा नेपालले पार्टीलाई व्यक्तिविशेषको पेवा बनाउन नदिने बताए । 'साथीहरु मिलेर जानुहुन्छ कि भिड्नै चाहनुहुन्छ ?,' संस्थापन समूहलाई उनको प्रश्न थियो, 'सहमति होइन, एकलौटी गर्ने र भिडेरै जाने भने पनि म तयार छु ।'
नयाँदिल्लीमा उपचाररत रहेका कारण अध्यक्ष केपी शर्मा ओली भने अनुपस्थित थिए । बैठकको अध्यक्षता कार्यवाहक अध्यक्ष वामदेव गौतमले गरेका थिए ।
८ सभासद्, चार संसदीय दलका सभापति र ७२ जिल्लामा सुकुम्बासी समाधान आयोग गठनमा एकलौटी गरिएको भन्दै नेपालको असन्तुष्टि थियो । सभासद् सिफारिसका बेला नेपाल तिर्थाटनमा थिए ।

Don't Forget To Join US Our Community