टिपर तेर्स्याएर अवरुद्ध पारिएको बानेश्वर-कोटेश्वर बाटो खुलाइयो

काठमाडौ,  ट्रक र टिपर तेस्र्याएर अवरुद्ध पारिएको बानेश्वर-कोटेश्वर सडक प्रहरीले १ बजेबाट खुलाएको छ । क्रेनको सहायताले बाटोमा राखिएको टिपरहरु हटाएर बाटो खुलाइएको हो । काठमाडौंका सिडिओ वसन्तराज गौतम, प्रहरी प्रमुख एसएसपी उत्तमकुमार कार्की सहितको टोली सक्रिय भएर बाटो खुलाइएको हो । बिहान ९ बजेदेखि रोकिएको सवारी साधन सञ्चालन हुन थालेको छ । तीनकुनेबाट गौशाला तर्फको बाटो अझै खुलाइएको छैन । ट्रक तथा टिपर व्यवासायी महासंघले ढुंगा गिट्टीको सहज निकासीको माग राख्दै आन्दोलन थालेको हो ।

बानेश्वर प्रहरी वृतका डिएसपी रमेशकुमार तामाङले बानेश्वर-कोटेश्वर सडकमा राखिएको २०/२२ वटा टिपरलाई हटाएर बाटो खुलाइएको बताए । उनले गौशाला तर्फको खुलाउने प्रयास भइरहेको जनाएका छन् । उनका अनुसार २० बढी यातायात व्यवसायीलाई नियन्त्रणमा लिइएको छ ।

Don't Forget To Join US Our Community