'हाउ फन्नी' को ट्रेलर सार्वजनिक (भिडियो)
loading...
अभिनेत्री प्रियंका कार्की र केकी अधिकारी अभिनित फिल्म 'हाउ फन्नी'को ट्रेलर सार्वजनिक भएको छ। आगामी २०७३ सालको वैशाख १० मा रिलिज हुने फिल्मलाई पूर्व मिस नेपाल माल्भिका सुब्बाले निर्माण गरेकी हुन्।
पूर्व मिस नेपाल सुब्बाले यसअघि 'गुडबाई काठमाडौं'मा अभिनय गरेकी थिइन्। यसअघि लघु फिल्म निर्देशनमा काम गरिसकेकी निलु डोमा शेर्पाले 'हाउ फन्नी'की निर्देशक हुन्। 'फिल्म निर्देशन गर्नु निकै गाह्रो कुरा हो, त्यसैले पहिला नजिकबाट नियालेँ अनि अहिले सही समय आएजस्तो लागेर गरेकी हुँ । दर्शक बोर नहुने फिल्म बनाएकी छु,' निलुले भनिन् ।
टाइनी बट बिग पिक्चर्स र आइकोर फिल्मस्को संयुक्त ब्यानरमा निर्माण भएको फिल्मलाई आङनुरु शेर्पा, छिरिङलामु शेर्पा र निमाटासी शेर्पा मिलेर बनाएका हुन्। निलुकै कथा र परिकल्पनामा बनेको फिल्मको पटकथा सान बस्नेतले लेखेका हुन्।
फिल्ममा हरि हुमागाइँ र शिवराम श्रेष्ठको छायाङ्कन, सुरेश अधिकारी, वसन्त सापकोटा, शैलेश सिंह र शैलेन्द्र श्रेष्ठको संगीत र निमेष श्रेष्ठको सम्पादन रहेको छ। फिल्ममा दयाहाङ राई, प्रियंका कार्की, केकी अधिकारी, निशा अधिकारी, अनुपविक्रम शाही, विजय बराल, शिशिर राणा लगायतले अभिनय छन्।
ट्रेलर (भिडियाे)
Don't Forget To Join US Our Community
